Skip links
ليش نحتاج متجر الكتروني مخصص لبيع منتجاتنا وخدماتنا؟

ليش نحتاج متجر الكتروني مخصص لبيع منتجاتنا وخدماتنا؟

في عالم التجارة الالكترونية لازم تكون فريد ومميز حتى تقدر تنافس غيرك ويصير لك جمهور ينتظر كل جديد منك، لأنه اليوم بنشوف نمو رهيب لمجال التجارة الالكترونية، خصوصًا المشاريع الناشئة واتجهوا للمتاجر الالكترونية لتسويق منتجاتهم.

طيب في ظل هذه المنافسة الشرسة، وكل يوم متجر جديد في مجال معين، كيف ممكن أكون مميز وغير مقلد وإني أختلف عن كل المتاجر المتشابهة؟

ما في خيار أفضل من تخصيص ميزة مطلوبة في متجرك إذا كنت تبغى إنه متجرك يكون مختلف ومميز عن غيره من متاجر المنافسين.

التخصيص ترا ما يميزك وبس ، بل إنه كمان يعطي متجرك وظائف شخصية أساسية ومطلوبة لعملائك، وما هي موجودة في باقي المتاجر.

خصص منتجاتك حسب رغبة جمهورك

الهدف من المتجر الإلكتروني هو تلبية طلبات عملائك، وهالشيء مايمديك تسويه إلا من خلال متجر الكتروني مخصص للبيع عبر الإنترنت.

إذا كان عندك مثلًا متجر للفساتين المودرن، فلازم يكون بالمتجر بعض خيارات التصفية المخصصة مثل الأحجام والألوان والخطوط لمساعدة المشترين، وإذا قمت بنسخ قالب أو تقليده، فما راح يلبي جميع متطلباتك. لأنه المتغيرات يمكن تكون اختلفت هنا.

تذكر بأن امتلاك متجر الكتروني مخصص ومنظم جيدًا، يخدم العملاء بأفضل طريقة وينجح في الحفاظ على اهتمام المستهلك.

نظام الشحن المميز

في كثييير متاجر بتقدم مجموعة متنوعة من المنتجات اللي تحتاج خيارات شحن مختلفة، وأكيد في عملاء راح يكونوا مبسوطين إذا وفرت لهم خيارات شحن ما هي موجودة عن باقي المنافسين، مثل طباعة كلمات معينة على المنتج أو تغليف بشكل مختلف.

وهذا الشيء تقدر تحققه من خلال التعاقد مع مصمم محترف أو شركة تطوير برمجيات عندها خبرة في انشاء المتاجر الالكترونية، وتأكد إنه المتجر الفريد المصمم بوعي واحترافية راح يكون له دور أساسي في نجاح مشروعك الخاص.

متجر يقدم أكواد ترويجية وخصومات

كلنا ترا نحب الخصومات والهدايا الترويجية اللي تجذب الجمهور أكثر وأكثر، وتخيل يكون عندك متجر مخصص متوفر فيه الشغلات هذي!.

كل ما قدمت للجمهور مميزات وخصومات ومحفزات شرائية أكثر كل ما صار ولاءه لك أكبر، لأن هذي الخطوة مهمة في لفت انتباه الزبائن، خصوصًا في المناسبات والأعياد.

الاحتياجات المختلفة لعملائك

متطلبات الزبائن مختلفة، في زبائن يحبوا عملية الشراء تكون سهلة، وفي زبائن يحبوا المتجر المنظم ومنتجاته مرتبة في المكان المناسب لها، وعشان كذا لازم تعطي الأولوية لرغبات عملاءك.

طرق دفع متنوعة

البرمجة المبنية مسبقًا ممكن ما توفر جميع طرق الدفع وقبول بطاقات الائتمان المختلفة، وهذه شغلة ممكن تحزن وتزعل عملائك وتكون سبب في ترك متجرك دون اتخاذ أي إجراء، عشان كذا ضيف ونوع خيارات الدفع لبطاقات ائتمان مختلفة حتى تقدر ترضي عملائك.

طمن جمهورك بخصوص مخاوفهم الأمنية

تأكد إنه أي شك عند العميل بخصوص أمن وسرية معلوماته، يكفي حتى يغادر متجرك وما يغامر باختراق معلوماته الشخصية من خلال عملية شراء مشكوك في أمانها!.

عشان كذا لازم تتأكد من إنه متجرك آمن جدًا، وهالشيء لازم يتأكد منه جمهورك من خلال المحتوى التسويقي الموجه له.

إذا، لازم يكون لك خطوات جدية وحازمة لحماية البيانات السرية للعملاء وتفاصيل بطاقة الدفع، لتعزيز الثقة بمتجرك، وهذا يتم من خلال مبرمج محترف أو شركة متخصصة في انشاء المتاجر الالكترونية الاحترافية.

المرونة في التعديل

لما تختار مبرمج محترف أو شركة متخصصة في برمجة وبناء المتاجر الالكترونية، لازم تتأكد إنه أي تعديل ممكن تحتاجه في المستقبل لازم يتم بسهولة وسرعة بدون أي تعقيدات برمجية ما لها أي داعي.

ترا أهم ما يميزنا في شركة لفل اب وفريقنا البرمجي، هو تعدد الخيارات أمام زبائننا، لأننا يوم ما نبني متجر الكتروني مخصص نبنيه من الصفر حسب حاجة العميل، وبعدها نوفر له دعم فني احترافي لإجراء أي تعديلات أو تحسينات مطلوبة.

شارك التدوينة على :
Explore
Drag