تصميم موقع ويب للأعمال الصغيرة
دايما نحتار بخطواتنا الأولى ونتردد في اختيار الأفضل، ويوم ما نبدأ بمتجرنا الاونلاين بتواجهنا خيارات كثيرة و محيرة، هل نوظف مطور ويب يسوي لنا موقع ويب لشركتنا الصغيرة؟ ولا نتعاقد مع شركة تطوير ويب متخصصة؟ ولا نقوم بالتحدي ونبني موقعنا بأنفسنا؟ وعلى جميع الحالات ترا احنا نحتاج نصائح في تصميم موقع ويب للأعمال الصغيرة.
في هذه المقالة احنا معكم حتى نساعدكم بهذا التحدي من خلال تعريفكم بالشغلات الأساسية لبناء موقع ويب رهيب لشركتكم الناشئة.
طيب، ايش هي الأخطاء الشائعة اللي تطيح فيها كثير من الشركات في تصميم مواقعها؟ هل المشكلة بالمحتوى اللي يقدمونه؟ ولا المشكلة بالألوان والتصميم اللي خلا التنقل بالموقع صعب وما هو مفهوم؟ ولا المشكلة انهم تاخروا بشغلات أساسية بالموقع كان لازم تكون موجودة من البداية؟
بالبداية خلينا نشوف أهم الشغلات اللي لازم ننتبه لها يوم ما نقرر تصميم موقع ويب للأعمال الصغيرة خاص بعملنا ونقدر نحتل مكان جيد بالسوق ونقدر على المنافسة الموجودة بمجالنا.
انتبه وركز بالمحتوى اللي تقدمه
بالعادة موقع الويب الخاص بالشركة فيه عدد كبير من الصفحات، مثل صفحة اتصل بنا، وصفحة معلومات الشركة، بالإضافة للأقسام والتصنيفات، وكل صفحة لها هدف معين.
لكن عمومًا، المحتوى هو كلمة السر حتى توضح للزوار طبيعة عملك ونوع الخدمات أو المنتجات اللي تقدمها.
كل اللي عليك هو انك تتأكد أن المحتوى المعروض على موقعك الالكتروني منطقي وسهل القراءة ومفهوم للجميع بدون أي تعقيد.
إذا تعاملت مع المحتوى كأمر أساسي لتعريف الناس بطبيعة عملك، فهذا يعني بأنك بدأت أول خطوة بشكل مهني وصحيح، وباقي الشغلات راح تكون مبنية عليه بشكل سليم.
إذا، نصيحتنا لك هي التركيز على حاجة بنسميها (CTA) وهي الحث على اتخاذ إجراء وتأكد ان رسايلك بتشجع الزوار على اتخاذ الإجراء اللي أنت تبغاه، وهذا ما يصير إلا إذا نجحت في دمج بيئة عملك في موقع الويب الخاص بشغلك.
اهتم لتفاصيل تصميم الويب لأنه مهم جدًا
في شغلات أساسية وممارسات مجربة ما ينفع نغيرها، زي مثلًا مكان شعار الموقع، لازم يكون في مكان يسهل ملاحظته، مثل منتصف الهيدر أو أعلى الزاوية اليسار أو اليمين، ولو خليناه في مكان غير هذه الاماكن، ممكن يتسبب في إرباك العملاء أو تشتيت انتباههم، عشان كذا لازم تتبع الممارسات المجربة واللي أثبتت فعاليتها.
وغير كذا، اطلب المساعدة من صديق أو زميل في المكتب حتى يعطيك رأيه في الألوان اللي اخترتها لموقعك كذا يساعدك تعرف إذا كان موقعك الالكتروني مريح للعين وسهل بالتصفح.
جانب آخر مهم هو التنقل، لأنه الطريقة اللي تخلي الزوار يقوموا بالإجراء اللي أنت تبيه، هي تسهيل التنقل في موقعك، حاول تخلي روابط التنقل واضحة وسهلة بدون أي تعقيدات.
تأكد من اكتمال العمل وما تخلي شي ناقص!
هذا الشي يصير عادة مع الشركات الناشئة، يكون عددهم قليل ، وهذا ممكن يكون على حساب جودة التصميم وقوة التطوير، وبالتالي المشاكل راح تتكرر طالما ما حليناها من البداية، عشان كذا ما تنشر أبدًا محتوى ناقص وغير جاهز.
خلي موقع الويب الخاص فيك أكثر تشويق وجاذبية من خلال الألوان المتناسقة و الصور أو المحتوى الرائع.
غير قوة المحتوى، خلي موقعك متوافق مع السيو، ويكون صديق لمحركات جوجل للاستمتاع بمزايا حركة البحث العضوية.
إذا كنت تحتاج تعدل تعديلات أساسية على واجهة موقع الويب، حاول تصمم صفحة (انتظرونا بالشكل الجديد) أو (قريبًا) أو شيء مشابه، حتى تتأكد بأن الزوار ما يتفاجؤون بصفحات متوقفة أو ميزات غير كاملة.
