تبي تكبر وتنافس بالسوق ويصير جمهورك هو اللي يبحث عنك ! ويتابع كل جديد عندك؟
طيب وين المشكلة ليش ما تصير كذا وتحقق طموحك وتكبر البزنس حقك و تصير براند واسم معروف بمجالك؟
نسبة قليلة من الناس اللي بتقدر تحدد المشاكل والأسباب بشكل دقيق.
وهم غالبًا بيكونوا تجار كبار, أو عندهم خبرة كبيرة بالسوق.
أو بيكونوا متعاقدين مع خبير يكتشف لهم مشاكلهم في المنافسة والتسويق ويقدم لهم حلول إبداعية في التسويق والتقنية وأي مجال ممكن يساعد في نجاح البزنس.
أنت بأي نوع الأنواع اللي ذكرناه؟
إذا كنت من النوع الاول اقرأ المقال لأنه ممكن تشوف شيء يناسبك أو ينبهك لحاجات ما كنت منتبه لها من الأساس.
أما إذا كنت مبتدئ أو مشغول أو ما عندك الخبرة الكافية لاكتشاف المشاكل وخلق حلول إبداعية لها، لكن تبي تكبر وتنافس بالسوق خليك معنا خطوة بخطة حتى تفهم اللعبة كيف تصير من البداية وحتى تتجاوز كل المعيقات وتوصل إلى القمة!
إذا تبي تكبر وتنافس بالسوق افهم جمهورك ومشاكله
الحين لو قررت تشتري شيء أونلاين، سواء منتج او خدمة ايش بتسوي؟ وليه ممكن تشتري من مكان وتثق فيه، بالمقابل ممكن تهرب من مكان ثاني وما عاد تفتح موقعه ؟!
هذا السؤال لازم تجاوبه على إنك زبون مش تاجر! ليه طيب؟!
من أهم أسباب النجاح في التجارة الالكترونية إنك تفهم جمهورك كيف يفكر، وتفهم ايش مشكلته ايش احتياجاته وايش اللي يحل مشكلته بالضبط؟
أيواا.. أـنت اللي لازم تعرف ايش وكيف حل مشكلته حتى تصمم حل مناسب مع دراسة إمكانيات العميل وسلوكه وقدرته الشرائية.
لأنه ما ينفع تروح تسوق لسيارة مرسيدس رياضية لجمهور صعبة عليه يوفر قيمتها!! صح؟!
بالتالي أول خطوة لازم تفهم الجمهور اللي تبي تستهدفه وتفهم أساس مشكلته وتجتهد لين توفر حلول لهذه المشكلة، وتقدمها لجمهورك على شكل منتج او خدمة تناسب إمكانياته وسلوكه.
ومهم جدًا لما تسوق له منتجاتك او خدماتك سوقها له كإجابة عن سؤاله: ايش راح أستفيد لو اشتريت ذا المنتج؟!، إجابة هذا السؤال هي المحتوى التسويقي اللي لازم تستهدف فيه الجمهور المحتمل!.
ايش أخبار متجرك وبوابتك؟
من الحاجات اللي مرررة ضرورية هي المتجر الالكتروني اللي تستقبل عملائك فيه!
والحين رجعنا للسؤال الأول اللي لازم تجاوبه بعقلية العميل..
لو أنت زبون.. هل ارتحت للمتجر يوم ما فتحته؟ وهل ممكن تشتري من هذا المتجر وتثق فيه؟ وليه؟
إجابتك هنا هي أول تشخيص لوضع متجرك!
وبناء عليها راح تقرر ايش شكل متجرك من نواحي التصميم والتطوير والخيارات اللي لازم تكون موجودة فيه.
إذا نجحت في بناء متجر الكتروني احترافي ملفت للجمهور المحتمل بتكون ماشي بالطريق الصحيح.
مين الشركة اللي قررت توكلها بتجهيز المتجر او تطبيق الموبايل حتى تنطلق؟
كثييير ناس في بدايات البزنس بيبحث عن مطور ويب مبتدئ أو سعر خدماته رخيص لأنه شايف إنه الموضوع ما يستاهل تعاقد مع شركة!
وهنااا أول مطب ممكن يكلفك فلوووس حتى تصحح الاخطاء وتعيد بناء متجرك بشكل احترافي ومهني وما فيه أي مشاكل خطيرة.
الفلوس اللي شايفها كثيييرة وإنه ما هي مستاهلة أدفع مبلغ كبير حتى يصير عندي متجر الكتروني أبيع عليه خدماتي او منتجاتي، ممكن تدفع أضعافها بعد فترة لأن متجر سيء!
طيب ايش الحل؟
الحل شوف احد محترف وفااااهم السوق وخبير مرررة بمجالك يساعدك حتى تبدأ صح!
لأنه كذا انت بتوفر وقت وجهد ومال بشكل ماتتخيله ولاتنسى السوق كبير والمنافسة فيه شرسة وما فيه وقت يضيع بأخطاء تافهة وتجارب مكررة!
كيف أعرف أفضل شركة تطوير ويب وتطبيقات وأتعاقد معها؟
هنا ما راح نتكلم كثير، غير إننا نعطيك معايير أساسية تقدر تكتشف فيها أفضل شركة برمجيات وتتعاقد معها:
- يكون لهم تجارب سابقة ونماذج أعمال مشابهة
- يكون فريق خبير ومتنوع المهارات حتى ما تحتاج للتعاقد مع أكثر من جهة.
- يقدروا يفهموا احتياجاتك، وهذا بتكتشفه من إجاباتهم على أسئلتك او اقتراحاتهم لك.
ايش أخبار خطتك التسويقية؟ ترى ما نسيناااها!
لو سويت كل اللي اتفقنا عليه فوق وأهلمت التسويق، كأنك عرضت منتجاتك بشارع مهجور!
اليوم في مجتمعات كاملة باهتمامات متشابهة موجودة على وسائل التواصل الاجتماعي، هذي المجتمعات هي جمهورك حسب مجال بزنسك!
المهم تعرف أمكان تواجد جمهورك بين هذه القنوات، والفكرة ما هي بكثرة قنوات التواصل اللي لازم تستخدمها.
الفكرة بكل بسااااطة..إذا تبي تكبر وتنافس بالسوق شوف جمهورك وين متواجد وروح تواجد معه هناك!
شاركه بالافكار والحلول وقدم له نصائح باسم علامتك التجارية.
خليهم يعرفوك ويثقوا فيك ويتعودوا يشوفوا اسمك، من الآآآآخر خلهم يفتقدوك لو غبت عنهم.
إذا قدرت تكسب ولاءهم أبشررررر بالخير والنجاح والقوة في السوق.
ما تكلمنا عن المحتوى!
المحتوى هو الملك! هذه المقولة صحيحة 50%
المحتوى الرائع هو الملك! هي المقولة الاصح بنسبة 100%
المحتوى هنا بنقصد فيه كل شيء سواء مقالات أو صور او مقاطع فيديو أو تصاميم بصرية ثابتة أو متحركة.
المهم إنك تستهدف الجمهور الصح بالمحتوى الصح.
يعني خلنا نضرب مثال:
الجمهور المهتم بالمواضيع العلمية أكيييد راح نستهدفه بمقالات معلوماتية دسمة ومدققة وأكيد بيكون معها صور توضيحية ومقاطع مرئية و..الخ
لكن جمهور يحب الترفيه والتسلية فطبيعي نخاطبه من خلال الصور والتصاميم الجذابة ومقاطع الفيديو التفاعلية القصيرة.
اتصل بفريق لفل اب واترك الموضوع علينا
لييييه يعني اختار لفل اب؟؟!!
لفل اب ما هو فريق تقني بس!
فريق لفل اب فريق محترف ومتنوع بمجال تطوير الويب والتطبيقات وتجربة المستخدم (UX) وتحسين محركات البحث (SEO) وكتابة المحتوى والتصميم الإبداعي والتسويق عبر السوشيال ميديا.
يعني من الآخر..أنت بتسلم مشروعك لناس عندهم خبرة كافية يوصولك لفووووق عند قمة المنافسين!
